أبوزيد بيومي
11 Dec 2008, 07:54 PM
صمت الخروف
والخوف مع الصوف انفتل
والقرون مش نطّاحات
القرون الشماعات
لجل تبرير الموات
أو لتقديم أضحيات
الطيبات للمعتدين
و المعتدين للطيبات
طبنا في فرن المحن
نفس السّحن
نفس الوشوش
نفس القفا
قمّرنا عيش
وباللي زايد م العجين
شكّلنا جيش
و دخلنا قلب المعركة
ف ايدينا خيش
فـ مسحنا جوخ المعتدي
قلنا له أهلا سيدي
قلنا .......... كان لازم نقول
مالطبخة طابت للأكول
حبّينا .........لكن لم نطول
الطول يساوي العرض
من غير ارتفاع
مش فارقة بينا المسألة
ما العرض ضاع
شبع الأسد
و اتخانقوا ع الجيفة الضباع
فابقى سلم ع الشرف
حلوة صورتك
و انت حاطط رجل فوق رجل بقرف
و انت قاعد تتفق على دخول المنعطف
حلوة صورتك
لما تمنحهم وطن
كان........ واتخطف
فابقى سلم ع الشرف
هاتقابله تاني يا ترى
لسّاك بتهوى الكبر و يّا المنظرة
و انت قاعد في الصفوف اللي ورا
علشان تنام .....
تصحى ...... فــ تفتح منضرة
تقبل عزا
م اللي غزا
في عز نومك ...فزعك
دبحك خروف ...... و مزّعك
وزّعك
دمك ... حنة للكفوف
واللحم ... ف اطباق الضيوف
والصوف ..... يخلوه مشّايات
أو دواسات على كل باب
والعضم ..... يرموه للكلاب
أما قرونك .... شماعات
تفتح دولابك كل يوم... تلبس ممات
كل الساعات متظبّطة .....
ع الوقت فات
الوقت فات
الوقت فات
والخوف مع الصوف انفتل
والقرون مش نطّاحات
القرون الشماعات
لجل تبرير الموات
أو لتقديم أضحيات
الطيبات للمعتدين
و المعتدين للطيبات
طبنا في فرن المحن
نفس السّحن
نفس الوشوش
نفس القفا
قمّرنا عيش
وباللي زايد م العجين
شكّلنا جيش
و دخلنا قلب المعركة
ف ايدينا خيش
فـ مسحنا جوخ المعتدي
قلنا له أهلا سيدي
قلنا .......... كان لازم نقول
مالطبخة طابت للأكول
حبّينا .........لكن لم نطول
الطول يساوي العرض
من غير ارتفاع
مش فارقة بينا المسألة
ما العرض ضاع
شبع الأسد
و اتخانقوا ع الجيفة الضباع
فابقى سلم ع الشرف
حلوة صورتك
و انت حاطط رجل فوق رجل بقرف
و انت قاعد تتفق على دخول المنعطف
حلوة صورتك
لما تمنحهم وطن
كان........ واتخطف
فابقى سلم ع الشرف
هاتقابله تاني يا ترى
لسّاك بتهوى الكبر و يّا المنظرة
و انت قاعد في الصفوف اللي ورا
علشان تنام .....
تصحى ...... فــ تفتح منضرة
تقبل عزا
م اللي غزا
في عز نومك ...فزعك
دبحك خروف ...... و مزّعك
وزّعك
دمك ... حنة للكفوف
واللحم ... ف اطباق الضيوف
والصوف ..... يخلوه مشّايات
أو دواسات على كل باب
والعضم ..... يرموه للكلاب
أما قرونك .... شماعات
تفتح دولابك كل يوم... تلبس ممات
كل الساعات متظبّطة .....
ع الوقت فات
الوقت فات
الوقت فات